Breyting til batnaðar

Frábært

2006-04-06T14:29:00.000+02:00

Fór niður um 1.7 núna :) Gott hjá mér!
Ástæðan er náttúrulega sú að ég hef haldið mig betur að DDV, er að hreyfa mig og síðast en ekki síst þá hætti ég í mötuneytinu í vinnunni því þar var maður alltaf að fara smá út af. Og mötuneytismatur er sjaldnast hollustuvara.

Ég er í góðum gír. Kannski sé ég nýjan tug á vigtinni næst! Það væri frábært. Og er að hugsa um að geyma páskaeggið mitt( já já númer 5 nefnilega, engin smásmíði) fram í maí. Sjáum til, sjáum til.

Dagur 148

2006-03-28T15:12:00.000+02:00

Já já já.
Þetta hlýtur að vera að koma hjá mér.
Útbjó mér nesti í gær til þess að fara með í vinnuna í dag.

mm: brauð, ostur, olivio, safi, te(30 ml fjörmjólk)
hm: skipti á kvöldmat: chili con carne úr uppskriftabók ddv
km: fiskur og aftur fiskur.
khressing: Aftur ís, jarðarber, súkkulaðisósa. Virkilega ljúffengt. Mæli með þessu

Uppskrift:
150 gr sýrður
150 gr fjörmjólk
smá undanrennuduft
sæta
vanilludropar ddv
þeyta VEL saman
Setja í ísvél

súkkulaðisósa:
10 gr kakó
10 gr vatn
15 gr klípa
sæta
smá undanrennuduft.
Vinna vel saman (bæta vatni í eftir þörfum)

Skera niður ávexti,
Borða með ís og súkkulaðisósu.

Að láta sér ganga vel

2006-03-27T11:21:00.000+02:00

Svei mér þá ef ég er ekki líka með þessa velgengnisfælni sem ein í bloggheimum greindi sig með.

Á laugardaginn sá ég nýja og góða tölu á vigtinni ( sem hefur staðið í stað síðan í janúar ) og svona til þess að tryggja það að ég myndi nú ekki fara að léttast enn meira þá svindlaði ég í gær. Rækilega ó já.

Ég skil ekki afhverju þetta er svona. Þessar hugsanir sem skjóta upp kollinum þegar loks er farið að ganga vel.

En ég veit núna að það er þessi eini fyrsti biti sem fellir mig. Þegar ég fékk mér fyrsta svindlbitann núna þá hugsaði ég sem svo að þetta væri nú bara EINI bitinn. En það gengur greinilega ekki hehe. Þremur tímum síðar( og þremur kílóum síðar) ranka ég við mér, öll útötuð í súkkulaði, með brjálæðisglampa í augum og útþandan kvið.

Það er víst þannig að maður á að viðurkenna svindlið fyrir einhverjum. Ekki láta líða yfir ykkur.
Hérna kemur þetta.

Mm: 1 brauðsn. Olivió og ostur, 2 plómur.
Hm: Súpa, DDV ostaterta
Mb 1 - 1 heimabakaður kanilsnúður með glasúr.
Mb 2 - 4 heimabakaðir snúðar...
Mb 3 - 2 þríhyrningar toblerone
Mb 4 - 3 hafrakexkökur og 250 ml of mikið af fjörmjólk.
Mb 5 - Fullt af ávöxtum ( var að reyna að stoppa mig af )
Mb 6 - Enn fleira sem ég man ekki eftir að hafa verið í einhverskonar algleymi( eating-blackout ).

Km: fiskur, 75 gr kartöflur, grænmeti, kókglas.

Jæja, þá er að halda áfram. Fer í ræktina á eftir og reyni að hrista þetta allt af mér.

Planið í dag
mm. sami og venjulega
hm: veit ekki ennþá.
km: fiskur og grænmeti.
kh: búa mér til ddv vænan ís og fá mér heita súkkulaði sósu með.

Síðustu vigtanir

2006-03-23T17:12:00.000+01:00

Sælinú.
Það er helst að frétta að í síðustu viku fór ég upp um 1.4 :( en núna fór ég aðeins niður þannig að þetta er allt að jafnast út.

Ég er samt 3 kílóum ofan við janúarþyngdina... uss og svei.

Í ræktinni gengur afar vel. Ég skelli mér líklegast á eftir eða morgun og svo á laugardaginn :) jibby hvað það verður gaman.

Mér finnst frábært að hamast svona en verða að viðurkenna að mataræðið fer í steik um leið og hreyfingin eykst.... og mér finnst ég líka einhvern veginn verða að borða meira og orkuríkara fæði núna þegar ég hreyfi mig svona mikið.

Held áfram og vonandi gengur betur bráðum.
Held ég vilji hafa einn nammidag í viku samt....

Still alive

2006-03-16T12:16:00.000+01:00

Ég er ennþá hérna þó eitthvað hafi dofnað yfir færslunum.

Helst í fréttum er það að ég hef haft stöðugar harðsperrur síðan ég hóf líkamsræktina. En ekkert of miklar bara svona strengi og eymsli hér og þar.

Ég var búin að gleyma hversu GOTT það er að hreyfa sig. Mjög ljúf og unaðsleg þreytutilfinning í líkamanum sem endist manni fram að næstu æfingu.

Eins og ég mátti vita þá jókst matarlystin til muna við aukna hreyfingu en ég er að ná tökum á mér núna 99% DDV dagur í gær ( fékk mér nokkrar hnetur og kláraði ekki allan mjólkurskamtinn).

Svo er vigtun á eftir og ég verð að viðurkenna að ég er með gæsahúð af spenningi... !

Miðvikudagur

2006-03-08T10:24:00.000+01:00

Góða daginn!

Nú hefst líkamsræktin í dag... Það verður ágætt að fara að brenna meiru. Þá kannski gengur mér betur að halda mig við markmiðið. Ég er nefnilega búin að þyngjast eilítið... Nokkrum nammidögum of mikið hjá mér að undanförnu og ég gúffa of miklu í mig á þeim. Eini kosturinn við þetta ofát er að mér er heitt sem er ágæt tilbreyting.

Ég þarf að koma kollinum á mér aftur með. En þetta er sko ekki í fyrsta skipti sem þetta hefur gerst hjá mér þegar ég hef ákveðið að skipta um lífstíl. Ferlið er yfirleitt mjög svipað.
1. Ég ákveð að nú sé komið nóg og fer vel af stað.
2. Léttist um nokkur kíló og verð mjög ánægð með árangurinn.
3. Verð OF ánægð með árangurinn þannig að ég tel mig eiga verðlaun skilið í formi súkkulaðis og annara sætinda.
4. Þá hætti ég að léttast og fer að hugsa að ég nenni þessu nú ekki endalaust. Sú hugsun ágerist þar til:
5. Hugsa:"Fyrst ég léttist ekkert þá tekur þessu nú ekki."

Svo hætti ég.

EN núna er ég þó ekki hætt þó svo ekkert hafi gengið síðan um áramót ( bara farið upp á við ) og ég ætla ekki að gefast upp í þetta skiptið...

Léttingur

2006-03-02T13:56:00.000+01:00

1.6 kíló hurfu núna en áður en ég missi mig í óverðskuldaðri hamingju þá ætti ég að muna að síðast þyngdist ég um 2.6 kg.

Ágætur dagur í dag.
mm. sami og alltaf
hm: 60 gr nautakjöt magurt roastbeef, 8 gr remúlaði ( ég veit, má ekki ) 1 stk egg. 320 gr grænmeti, brauð og vatn

Ætla að reyna að fá mér ís í kvöld.

Annars sé ég að ég er ekki sú eina sem er að glíma við svind- púkann. Hvað ætli valdi þessu? Bjartsýnin er mætt aftur og "þetta reddast bara í næstu viku" hugsanahátturinn tekinn yfir...

Ég veit ekki hvað veldur þessu kæruleysi en held mig við DDV og þá kemur árangurinn í ljós síðar.
Svo er ég að byrja í leikfimi í næstu viku...

Að koma mér af stað

2006-02-28T17:01:00.000+01:00

Er erfiðara en ég hélt. En ég er enn ekki búin að gefast upp. Bara held áfram að berjast við sjálfa mig.

Var farin að laumast í nammi og svoleiðis sveik sjálfa aftur á bak og áfram. Passaði samt að enginn yrði var við að ég væri að borða gotterí. Eins og hinir séu í megrun fyrir mig! Huh meiri vitleysan í mér.

Svo hafði ég svo góða afsökun: gleymdi vigtinni í vinnunni og var vigtarlaus og því "tók því ekki" að passa sig.

Bollur á bolludag 3 stk. Best að játa allar syndir strax, mín vegna.

Dagurinn í dag er fínn ennþá. Ætla að ná honum 100%.

Mm: brauð, 5 gr olivio, ostur,safi
hm: 2 egg, 300 grænmeti, brauð, 9 gr sulta, 5 gr olivio. 30 gr sýrður rjómi og 6 gr tómatsósa.
mb: 1 epli og 33 cl pepsi max.

km: fiskur, sellerírót og kokteilsósa reikna ég með.
kvöld hressing: Sennilega ís með súkkulaðisósu.
Ætla að minnka notkun á undanrennudufti þar sem það inniheldur helling af hitaeiningum noti maður það mikið.

Þar til síðar.

Hvað!!!

2006-02-24T10:12:00.000+01:00

Fallið var hátt.
2.6 kíló upp á við.

Nú er ég vöknuð!!!
Tók með mér vigt í vinnuna og fjörmjólk. Ég hef verið að drekka G-Mjólk í kaffið þar algerlega óvigtað og vitleysa.

En ég er mjög bjartsýn og ákveðin í árangri núna. Ég mætti á fund í DDV og það hjálpar alltaf finnst mér.

Eftir þetta óhóf í mat og drykk þá hefur hausinn á mér aftur snúist á sveif með mér og því get ég farið að léttast aftur. Næstu tölur verða góðar því þótt vigtin hafi sagt 2.6 kíló upp þá er það ekki alveg að marka
Því a) ég var nýbúin að borða og drekka en fer vanalega fyrir hádegismat í vigtun, b) ég var í spreng og þurfti að pissa c) ég er með Rósu frænku í heimsókn.

Ætla að kíkja á nokkur átaksblogg og sækja mér innblástur og vonandi veita innblástur.

Hallóóó

2006-02-14T00:36:00.000+01:00

Er komin aftur í heimsókn.

Helgin var SUKKKKKKKK vegna regluleysis og agavandamála. Úpsadeisí.

Er aftur á beinu brautinni:

mm: brauð, klípa, ostur, safi
hm: salat, lamb, kotasæla
hressing: 2 ávextir og brauðsneið með sultu.
km: Kjúlli, sellerírót og kokteilsósa
kh: heimagerður ís

Verð ég búin að þyngjast á fimmtudaginn....?? kemur í ljós síðar þar sem ég er á leiðinni til úkklanda og þá fer sennilega allt í vitleysu hjá mér en svona er þetta bara.

Bless í bili.

Ísvél, jei!

2006-02-09T00:44:00.000+01:00

Eiginmaðurinn keypti ísvél handa mér í dag :)
Nú get ég búið til ís og borðað og borðað. DDV ísinn inniheldur nefnilega fitukross og líka extra krossa. M.a.s. 3 krossa per 125 gr skammt sem mér finnst allt, allt of mikið.

Matseðill dagsins:
mm: sama og venjulega
hm: ostur( eiginlega búin að borða of mikið af osti í vikunni ), grænmeti, brauð og kotasæla.
mb: pera, epli ( úps er að fatta núna að ég fékk mér einum ávexti of mikið í dag, dæs)
km: svínakjöt og grænmeti, ljúffengt.
kh: ís (reyndar DDV) og jarðarber og banani 1/2.

Held samt að vigtin láti á sér standa en það er OK, held áfram ótrauð en ef ekkert hreyfist á henni þá ætla ég að tala við þær og fá einhver ráð, minnka hjá mér extra krossana eða eitthvað til að hjálpa mér að léttast...

Mánudagsmatseðill

2006-02-07T16:25:00.000+01:00

hm: fiskur með grænmeti.
km: lifrarbuff og rófustappa
kh: 1 banani með ljúffengri súkkulaðisósu (alveg ótrúlega góðri ) og sýrðum rjóma. Var ljúft, hefði viljað 3 faldan skammt :)

Í DAG
mm: brauð, klípa, ostur, safi, te
hm: 2 egg, grænmeti brauð, vatn 2,5 gr l&l
mb: 1 pera
km: fiskur, grænmeti líklega
kh: eitthvað gott gott.

Á fullu

2006-02-06T17:16:00.000+01:00

Nú gengur þetta vel í DDV
föstudagur: 100% DDV
laugardagur: 90% DDV ( fékk tvo aukaávexti v/gleymsku)
sunnudagur: 100% DDV en notaði 3 auka krossa af mán-mið

Matseðill dagsins:
mm: 30 gr. brauð, klípa, ostur, pera, kaffi og vatn
hm: fiskur, grænmeti, brauð
km: kjúlli, grænmeti,
kh: afgangur af fitu, mjólk og ávöxtum að venju (kannski plús kakó í extra ;) ..

Held ég hafi misst eitthvað núna, líður vel og hætt að vorkenna mér nammi og sukkleysi. Jibbý.

ó nó

2006-02-02T13:05:00.000+01:00

Upp um 400 gr
Svona er sukklífið og best að muna það næstu helgi ;)
Betri tíð handan við hornið.
...

Hrmppfff

2006-02-02T12:08:00.000+01:00

Verð að fara að skrifa samviskusamlega inn í matardagbók hér á vefnum. Er farin að standa mig að því að sleppa henni og muna bara extra krossana...

En ég get sagt ykkur strax að ég svindlaði síðustu helgi. Það var alls ekki slæmt, helsta svindlið var að ég borðaði ekki fullan grænmetisskammt og fékk mér of mikið úr EXTRA (ís) (OK og plús súkkulaði )

Niðurstaðan er að ég hef ekkert lést í þessari viku og finnst mér súrt að svona ís-uppákomur skuli valda því að ekkert, alls ekkert gerist.

En nóg af böli, ég ætla bara að fara og láta verða af því að kaupa mér ÍSVÉL. Já! Svona og ekkert vesen. Ég bara læt verða af því og hætti þessu væli.

Dagurinn í dag.
mm. 1/2 banani, 5 gr klípa, 30 gr brauð, 1 egg.
hm: veit ekki ennþá :) er í mötuneyti í vinnunni og kannski svolítið erfitt að samræma það DDV en er allt að koma. Líklega brauð, síld, egg og grænmeti.
km: fiskur og stappað grænmeti
kh: 1/2 banani, jarðarberjaskammtur og súkkulaði baileyssósa

20 gr klípa
20 gr vatn
10 gr kakó
10 gr undanrennuduft
30 gr sýrður
4 dropar rjómaessens
5 dropar baileys

Hræra vel saman og láta standa aðeins og hræra aftur vel.
Svaðalega gott, út á ísinn, út á ávexti og ég hef meira að segja borðað hana eintóma þegar allt annað var búið [roðn]

Matargatið kveður í bili, er á leið í viktun eftir 30 mínútur.

Yess

2006-01-26T14:51:00.000+01:00

Nú fóru 900 gr. Munaði bara 100 gr í kílóið og nú verður tekið á því .Það er ekki svo mikið eftir hjá mér. Bara 11.1 kíló.

Ef ég stend mig vel næstu 3 mánuði þá gæti ég verið búin þá! Ég ætti að setja upp einhverja dagsetningu á næsta markmiði en það er þegar ég hef losnað við 3 kíló í viðbót. Segjum 24. febrúar.

túrelú

Okei

2006-01-20T14:43:00.000+01:00

200 gr. fóru núna en að hluta til er ástæðan sú að ég steingleymdi fyrir hádegis vigtun og fór seinnipartinn þannig að ég vonast til að fá betri niðurstöðu næst.

En annars gengur vel hjá mér að halda mig við mataræðið og allt jólasukk horfið úr hausnum á mér.

Ég ætti samt að setja inn daglega matseðla hérna til að fá komment og líka til að gefa hugmyndir... Ég a.m.k. er afskaplega hugmyndasnauð þessa dagana og vil helst mauka allt sem ég borða ! Hafa það eins og ungbarnafæði, nenni ekki að tyggja grænmeti lengur... En ég er líka dellukella þannig að eftir nokkrar vikur vil ég kannski fara að tyggja aftur.

Túrelú

Ha?

2006-01-12T16:16:00.000+01:00

Ég léttist um 800 grömm þrátt fyrir svindlið!

Húrra húrra...

Samræður við sælgætispúka

2006-01-10T00:37:00.000+01:00

Meira sem maður getur blekkt sjálfa sig.
Eftir kvöldmat í kvöld fór ég smátt og smátt að "tala" við sjálfa mig um það hvort ég ætti ekki að búa mér til eina dásamlega súkkulaðitertu í kvöld og fá mér. Umm hún væri svo góð með rjóma og góðum kaffibolla.

Ég ætti nú að skella mér á þetta, bara eitt kvöld.

Sem betur fer náði ég að sigrast á þessum helv... pælingum og sleppti öllu svindli. Enda líður mér bara vel núna og ánægð með mig, eiginlega rosa montin :)

Og ég held ég sé búin að jafna mig eftir jólin og því hefst hér með nammibindindi ÞAR TIL KJÖRÞYNGD ER NÁÐ.
ENGAR afsakanir koma til greina.

1. Ekki þegar ég útskrifast úr skólanum
2. Ekki á myndakvöldi
3. Ekki í veislum
4. Ekki, ekki, ekki og bara alls ekki.

Af hverju í ósköpunum ætti ég ekki að geta sleppt sætindum þar til ég kemst í kjörþyngd?
Nammið verður að bíða í bili og hananú.

Hjálp

2006-01-08T22:35:00.000+01:00

Já ég féll illa um helgina.

Auðvitað hef ég "góða" afsökun.. en ég féll samt.
Það var bara svo mikið að gera og 3 veislur um helgina.
Á laugardeginum hélt ég afmælisveislu og var ekki búin að borða neitt um 4 leytið nema morgunmat og var á leiðinni í aðra veislu þegar ég lét undan freistingunni og fékk mér 2 pizzusneiðar því ég var svo soltin.
Ég fékk mér reyndar ekkert nema kaffisopa í veislu nr. 2 þannig að það slapp.

Svo hélt ég aðra veislu í dag og sama og í gær þá var ég ekkert búin að borða um 4 leytið nema morgunmat og var svo svöng að ég fékk mér 2 brauðsneiðar og 150 gr. af köku og rjóma :( Skrýtið að vigta ofan í sig syndirnar.

Og nú er ég í sykursjokki og get ekki hugsað mér að borða 300 gr af grænmeti og kjöt.

En eins og ég segi þá eru þetta ekki afsakanir því ef ég hefði SKIPULAGT mig þá hefði þetta ekki gerst. Ég leyfði þessu að gerast OG ég get haldið áfram í DDV þótt ég hafi misstigið mig.

Þegar gestirnir voru farnir þá henti ég öllum afgöngum til þess að freistast ekki til að borða meira og fékk mér epli.

Mér finnst þetta samt svo leiðinlegt því ég var svo samviskusöm fyrir áramót og dugleg en núna einhvern veginn er ég svo leið á þessu fæði og vantar að gera mér eitthvað gott á kvöldin, er komin með leið á jarðarberjaís og eplakökum og búðing og að sjálfsögðu því að tyggja grænmetið.

Svo hafa litlar sykursætar raddir í höfðinu á mér verið að tuða um einn nammidag í viku. Eins og það sé nauðsynlegt!

... þarf bara að sparka í rassinn á mér og gera eitthvað í mínum málum. Elda fyrirfram o.s.frv.
Og kannski kaupa mér ísvél svo ég nái einhverntíma upp í 10 kílóin??

hip hip..

2006-01-06T02:29:00.000+01:00

200 gr niður.
En ætti ekki að fagna því ég léttist fullt síðustu vikuna fyrir jól þannig að í raun er þetta kannski eitt og háft upp en skiptir engu máli.

Ég er komin í gírinn. Ætla að elda slatta í frystinn á morgun til að fá ekki leið á endalausum grænmetisbökum.

Svo keypti ég tvær DDV pizzur í Hagkaup og ætla svo sannarlega að fá mér annað kvöld, ó já. Því þá er pizzukvöld og nú get ég verið með og fengið venjulega pizzu. Húrra.

Þetta með að sleppa ostinum held ég að virki vel fyrir mig. Mér þykir ostur góður og vil helst af öllu borða hann á hverjum degi en ég þarf að hætta því svo ég léttist hraðar.
Var á fundi í dag og þá sagði K eina sögu af konu sem ekkert gekk hjá í DDV og þær voru búnar að breyta matseðli fyrir hana og læti en um leið og hún sleppti ostinum ( var víst orðin háð Camembert) þá léttist hún um 3,5 kíló á 2 vikum. Já mér líst vel á að prófa þetta í mánuð og sjá hvað gerist.

Fyrsti í DDV

2006-01-03T02:10:00.000+01:00

Gleðilegt nýtt ár! Megi lýsið bráðna og vöðvar vaxa

Já nú er maður byrjaður aftur á hollustu, ávöxtum og grænmeti ásamt fullt, fullt af vatni.

Það varð nú ekki mikið um DDV áætlanir yfir hátíðirnar en það var í fínu lagi. Sýnist að skaðinn sé ekki mikill ef nokkur, held ég sé bara uppþornuð eftir allt kók þambið og of litla vatnsneyslu.

En mér finnst lítið mál að skella mér á DDV aftur. Einna helst kvíði ég því að gúffa í mig öllu grænmetinu og ég gat ekki klárað síðustu bitana í kvöldmatnum en geri það á morgun.

mm: 1 brauðsneið, klípa, sulta 75 gr skyr, safi og sæta
hm: 1 egg, 75 gr fetaostur í vatni+ grænmeti(bjó til böku í ofni), brauð, klípa, sulta og kaffi
km: kalkúnn, grænmeti og kokteilsósa.
kh: bláber, vínber, 1/2 banani og búðingur með súkkulaðisósu.

It's good to be back...

Alveg að koma jól

2005-12-20T12:20:00.000+01:00

Ég held að það séu farin 1,4 kíló í viðbót ( ef ég miða við heimilisvigtina) þannig að ég er sátt, mjög sátt. Þó að DDV hafi ekki verið 100% í síðustu viku þá léttist ég fullt út af öllu stressinu hehe, heppin ég. Enda borðaði ég sáralítið og ekki neitt því ég hafði ekki tíma til að nærast.

Nú er ég mjög andlaus í grænmetiseldun. Lumar einhver á góðum grænmetisréttum...

Nokkrir dagar án DDV

2005-12-16T19:01:00.000+01:00

Já, þetta hefur verið svolítið bilað hjá mér síðustu vikuna. Ég ætti að reyna að sofna en ég er svo upptjúnuð að ég get ekki sofnað, er samt dauðþreytt!

Var sem sagt að vinna verkefni í skólanum og við vorum að frá 9 á morgnana til 11-01 á kvöldin og svo til 06 síðustu nótt. þannig að ég hef náð að sofa frekar lítið undanfarna daga.

Að sjálfsögðu fór DDV mataræðið fjandans til því að ég hafði ekki einu sinni tíma til að borða, hvað þá fara að finna mér til hollt nesti. Ég held að ég hafi samt lagt heilmikið af því stressið hefur náð að bræða fullt af lýsi.

En nú hefst alvaran aftur og ég eiginlega hlakka til að byrja því mér er svo illt í maganum af öllu ruslinu. Ég borðaði að sjálfsögðu ekki nammi eða sykur EN var að fá allt of mikið af kolvetnum, ekkert vigtað o.s.frv.
Sleppti vigtun því ég hafði náttúrulega ekki tíma til þess að fara í hana...

En ég er búin með verkefnið, rosa happy og við fengum verðlaun fyrir verkefnið. Jibbý! Þannig að ég er sátt.

Er ég að skreppa saman?

2005-12-12T01:48:00.000+01:00

Svei mér þá ef þetta ostabann er ekki að virka. Finnst eins og eitthvað mikið sé að gerast. Vá hvað það væri frábært.

Var að ljúka við kvöldskammtinn.
Fæ mér ís á hverju kvöldi en á ekki ísvél og hvernig fer ég að?

Jarðarberjaís
150 gr. frosin jarðarber sett í mixara og mixuð ( enn frosin )
70 sýrður rjómi og 1/2 tsk sætuefni mixað við þar til þetta er ÍS. Kannski þarf að stoppa nokkrum sinnum til að hreyfa þetta til í mixaranum svo þetta mixist almennilega. Á að vera Creamy og ljósbleikt.

Heit súkkulaðisósa: (fyrir tvöfaldan ísskammt því ég geymi yfirleitt 2 ávexti fram á kvöld hí´hí)
10 gr kakó
rest af fituskammti dagsins ( ef ekkert eftir þá OK )
sýrður rjómi bara eftir smekk ( mér finnst 40 gr passlegt )
sætuefni eftir smekk líka
Hita sýrðarjómann og blanda kakó saman við og fitu(klípu) og smakka til með sætuefni.(ath það má ekki hita klípuna í örbylgjunni).

Þetta er þykkt og djúsí.
Svo set ég dropa: bali 2-3 dropa og rjóma 2-3 dropa (fer eftir hvað ég notaði mikið af sýrðum)

Svo bjó ég til banana íspinna ekkert smá góður
stakk íspinna í 1/2 banana og smurði með súkkulaðisósu ( passa að hún sé nógu þykk ) og skellti í frystinn í 3-4 tíma. (þetta er uppskrift sem ég fann á ddv blogginu eftir hana Angua )

Það er ekki eins og maður sé í aflögn :9 Frekar eins og maður sé að reyna að bæta á sig....
ÉG hef verið í DDV í 51 dag ( vá það er 1/7 af árinu) og er enn að hlæja að öllu sem ég þarf að innbyrða. Er þetta ekki orðinn svolítið þreyttur brandari?

Kaloríurík jól...

2005-12-11T12:46:00.000+01:00

Sko mig.
Ég held að ég sé búin að ákveða að fá mér venjulegan sykraðan óhollan mat á jólunum. Það er á Þorláksmessu, aðfangadag, jóladag og á annan í jólum. Svo koma nokkrir DDV heilsudagar á milli og líkamsrækt.

Síðan skal ég borða sama sykur óholla jukkið ;) á gamlárskvöld og á nýársdag og þar með er það búið.

Jólareglur skvísunnar:

regla
Má aldrei borða yfir mig. (Getur þýtt að ég þurfi að vigta ofan í mig á þessum dögum).
regla
Verð að borða 600 gr af grænmeti á dag ( svo það sé minna pláss fyrir jukkið)
regla
Ætla að hreyfa mig á móti þessu sykurjukki svo að
a) mér líði betur og haldi brennslunni við.
b) vigtin verði frekar niður á við en upp á við.
regla
Njóta þess að fá mér heimagerða piparmyntumola, heimagert mömmurauðkál og ljúffengt glas af rauðvíni ÁN samviskubits. Þetta frestar lokatakmarkinu kannski um 2-3 vikur og það er í lagi mín vegna.

Hvernig líst ykkur á planið?

Ég er nefnilega búin að vera í skóla á FULLU. Næstu viku þarf ég t.d. að vera í skólanum frá 8 á morgnana til 11-12 á kvöldin og ég hef ekki tíma til að fara í sturtu hvað þá að hreyfa mig. Ég þarf að setja börnin í pössun og búa þarna á næstunni. EN ég er í ágætisformi frá því í einkaþjálfun í sumar og frá síðasta vetri en þá spriklaði ég af krafti.

Reyndar endaði einkaþjálfunin með því að ég hætti að komast í skyrtur því upphandleggsvöðvarnir stækkuðu svo mikið. Þeir eru enn heldur karlmannlegir að mínu mati þannig að ég er hætt að gera upphandleggsvöðva-æfingar í bili.

Ég er viss um að ef ég færi í nokkra palla- og púltíma í Laugum þá myndi ég taka heldur vel við mér. Oh hvað ég hlakka til þann 16. desember því þá lýkur skólanum og þá hefst jólaundirbúningur með daglegu sprikli og jólastússi.

Jæja, þetta er orðið ágætt hjá mér núna fyrir þá sem lásu allan textann.

Hálft kíló

2005-12-08T23:39:00.000+01:00

Já, ég get ekki annað en verið sátt. Rósa frænka í heimsókn og árshátíðin síðustu helgi með smá sykursukki.

Spurði samt hvort það væri eitthvað sem ég gæti gert til þess að auka hraðann hjá mér og mér var bent á að sleppa öllum feitum osti.

Þannig að nú fæ ég mér egg í morgunmat 4x og cheerious í 3 daga en það er ok. Ætla ekki að taka hörkuviku því þá væri ég að pína mig og ég veit að ég myndi vilja bæta mér upp "tapið" þótt síðar væri. Þannig að venjulegt DDV er það mínus feitur ostur fram að jólum.
Sjáum hvað gerist.

Mm: ristað brauð með osti ( já var ekki búin að fá mínus ost ráðleggingar)
hm: súpa, kjúlli, brauð, sulta, klípa,safi
mb: vínber + lettjógurt
km: humar, rófufranskar, kokteilsósa
kh: epli + banani með búðing og súkkulaðisósu.

DDV slappleiki

2005-12-07T13:48:00.000+01:00

Eitthvað er ég nú farin að slappast í DDV. Gleymi oft einhverju yfir daginn. Eða gleymi að ég var búin að fá mér mjólk o.s.frv.

Svo er það þetta með árshátíðina + ég er á fullu í skólanum þannig að ég hef þurft að kaupa mér salat í skólanum ef ég gleymi nestinu og þá er ég ekki að vigta grænmetið ( þó svo ég fái extra stóran salat skammt ) og þetta eru ekki nógu nákvæmir skammtar.
Sleppti líka lifrinni í síðustu viku.... uss og svei.

En ég vona það besta. Er á leiðinni í vigtun á morgun. Ég er líka farin að sjá mun á mér í andliti og á fötum. Það er gaman :)

DDV í gær:
Mm: Cheerious, 125 fjörmjólk, 1/2 banani brauð klípa og safi líka ( átti að sleppa honum :(
Hm: Salat, og skinku og ostasamloka
Km: Lifrarbuff með grænmeti ( bjakk, var eiginlega vont en ég píndi mig )
Kh: Bjó til eplapie sem var vont og gafst upp á að pína það í mig. Reyndi að cirka út restina af mjólk og fituskammti og moka í mig.

Þannig að skvísan var ekki lengi í paradís....

Næsta vika verður frábær hjá mér. Finn það á mér. :)

Jólahlaðborð

2005-12-04T15:34:00.000+01:00

Fór á jólahlaðborð í gær. Gekk ljómandi vel (ekki satt hehe) Var búin að spara við mig yfir allan daginn þ.e. sleppa próteini, mjólk og fitu. Mokaði bara í mig svona 700 gr af grænmeti.

Ég var líka orðin SVÖNG þegar ég kom á hlaðborðið og byrjaði svo sem ágætlega en gúffaði í mig eftirréttum. Já já já ó já.

En það sem mér fannst best við það að ég saknaði ávaxtanna. Þetta var full sætt og slepjulegt. Fékk mér svona súkkulaðimousse og hún var dísæt og maður þurfti bókstaflega að þamba kaffi til að koma henni niður. Hún hefði bragðast betur með fullt fullt af ávöxtum. Ég gat ómögulega borðað kransakökuna og fékk mér ekki risalamond...

En nú er þetta búið og venjulegir DDv dagar framundan sem betur fer.

Mm: brauð, klípa, ostur, sulta, safi (alltaf það sama nema 1x í viku)
Hm: 2 egg og grænmeti ( svona paté, rosagott ) + brauð og klípa og sulta.

Km: humar, grænmeti
Kh: eitthvað hollt og gott ( nóg af ávöxtum :)

Svo er bara að sjá hvað gerist í næstu viku ó og ég fattaði að síðastliðnar vikur hef ég verið að borða sæta jógúrt!!! ÉG hélt nefnilega að létt húsavíkur vanillujógúrtin væri sykurlaus en nei, fullt af aukasykri þar þannig að kannski gengur betur án hennar.

800 grömm

2005-12-01T19:34:00.000+01:00

fóru núna.
Ég lét Kristínu fá matardagbókina mína til að fara yfir og vita hvort ég sé ekki að gera allt rétt. Finnst eins og þetta eigi að fara aðeins hraðar af en... er samt þokkalega sátt.
Já og fréttir af ísvélinni ;) Ég er hætt við að kaupa hana í bili! Var nefnilega að láta klippa mig stutt og vil fá mér almennilegt sléttujárn í staðinn. Gott mál og ísvélin færist upp í 10 kíló... hehe næ því sennilega fyrir jól.

Rugl dagur í dag:
7.00 Morgunmatur: brauðsneið,klípa,ostur,sulta,safi
16.00 Hádegismatur: gulrætur, 2 ristaðar brauðsneiðar + 50 gr ostur.( ég var orðin frekar svöng skal ég segja ykkur).
19.00 - Hakk + grænmeti.
22.00 - kvöldsnarlið verður ís og frosinn banani húðaður með súkkulaði. Ótrúlega gott.

Piparmyntumolinn

2005-11-28T01:24:00.000+01:00

Já ég var búin að ákveða að fá mér einn piparmyntumola en svo get ég ekki gert það hehe og mér finnst það svo fyndið. Ég horfi og horfi á molann en get ekki tekið hann og smakkað á honum.

Ég óttast kannski helst af öllu að ef ég myndi gera það þá kæmu fleiri molar á eftir honum. Og svo fleiri molar og tertur og ... allt fyrir bí.

En þetta er bara hið besta mál. Kannski ákveð ég bara að fá mér góða sósu í staðinn á jólahlaðborði þann 3. des í staðinn :) Nema ég fái aftur störu við hlaðborðið og fari að horfast í "augu" við sósuna eins og vitleysingur hehe.

Þokkalegur DDV dagur

Mm+hm (borðað saman): rist brauð, klípa, ostur, sulta, kaffi + grænmetissúpa og skyr með 1/2 skammti af jarðarberjum ( ARG er að fatta að ég borðaði hálfum ávöxt of mikið í dag ... )

Km: Gisou, með rosa gott spínati
Kh: Epli, 1/2 banani og bláber + karamellurjómi og súkkulaðisósa. Var gómsætt. Fékk mér nýlagað jólakaffi með.

Konfektgerðardagurinn

2005-11-27T21:36:00.000+01:00

Gerði fullt fullt af jólakonfekti á laugardaginn með mágkonu minni og múttu. Ég tók 2.4 kíló af sælgæti með mér heim. Híhí ég er svo kát með það. Auðvitað gef ég það gestum og gangandi og þarf ekki að borða það sjálf en bara gaman að eiga svona heimagert.

Fékk mér ekki einn mola en smakkaði smá á piparmyntudeiginu til að vita hvort það væri ekki gott ;). Ég er ekkert smá sátt við það. Bjóst alveg eins við því að láta undan þessum eina mola sem myndi fljótlega breytast í fat af molum.

En það klikkaði aðeins DDV prógrammið hjá mér.
Eða hvað? Má maður geyma brauð frá morgunverði og borða það seinna á deginum ? Veit ekki en ég hef ekkert farið fram úr í fitu eða Extra þannig að vonandi gengur vel næsta fimmtudag.

Konfektkveðja, Skvísan

Vissir þú þetta?

2005-11-24T17:05:00.000+01:00

Já slátrið er rosagott( en ekki fyrir DDV-ara) en vissuð þið að í 100 gramma sneið gætu leynst allt að 400 hitaeiningar!

Bara vildi láta ykkur vita :)

Fór að hugsa um þegar maður skellti í sig svona 250 grömmum + fullt af kartöflum og hvítri sósu úr smjöri,hveiti og nýmjólk. Ég hef örugglega oft náð því að borða núverandi dagsskammt af hitaeiningum í einni slíkri máltíð.
Engin furða að maður þurfi að losna við nokkur aukakíló.

Góðir hlutir gerast hægt?

2005-11-24T16:19:00.000+01:00

Jæja það fór 1.1 kíló núna. Ég fékk límmiðann minn og er sátt.

Ég ætla að reyna að drekka auka hálfan líter af vatni á dag. Og kannski drífa mig í ræktina. Þá hlýtur þetta að fara að ganga betur.

Var á fundi áðan og ótrúlegt hvað sumar voru búnar að missa mikið !! Margar voru búnar að missa nærri 2 kílóum á einni viku ( og þetta var ekki fyrsta vikan þeirra ). Þær hljóta að æfa með þessu. Ja hérna hér.

Merkilegt að núna þegar maður er búin að ákveða að grenna sig þá lendir maður stundum í því að fólk gefur það í skyn að maður þurfi nú ekkert að missa svona mikið. En mér fannst það afar merkilegt að þetta skyldi gerast á fundi. Á fundi þar sem var einmitt verið að tala um þessar "ábendingar" og að maður ætti bara að láta þær sem vind um eyrun þjóta o.s.frv. þá byrjar eldri kona að spyrja mig: "En af hverju ert þú hérna góða. Mér finnst þú svo grönn..." Það var eins og hún væri að segja brandara en ég fattaði samt að fara ekki að skellihlæja og segja "Þessi var góður mar..." hehe Sagðist bara vilja verða grennri ;)

Ég hef svo sem séð grannar skutlur þarna og maður hugsar:"Ok, þessi ætlar að taka 2 kíló" EN ef ég hefði séð þær fyrir 35 kílóum síðan þá hefði manni ekki dottið í hug eitthvað svona!

Gærdagur:
mm. ristað brauð, ostur, klípa, sulta, safi ( eins og venjulega nema 1x í viku þá er cheerious )
hm. kjúklingur og grænmeti (rófufranskar) + kokteilsósa (Smá klikk hér því ég náði bara 200 gr af grænmeti...)
Millibiti: epli
Km: Aftur kjúklingur, og blandað grænmeti ríflegur skammtur
Kvöld hressing: Oetker búðingur með sýrðum rjóma, jarðarberjum og banana og súkkulaðisósa yfir allt saman :)

Ég eyði öllu extranu mínu í 100% kakó þessa dagana og kannski tómatsósu. Er að hugsa um að spara núna fram að helgi og fá mér svolítið af piparhnetum eða hunangskökum um helgina á meðan jólakonfektgerðin fer fram á mínu heimili :)

Góðar stundir.

Vigtun aftur á morgun

2005-11-22T16:25:00.000+01:00

Já, nú er vigtun á morgun og ég hlakka þvílíkt mikið til. Ég HLÝT að hafa misst eitthvað af kílóum. A.m.k. eitt því ég missti bara 300 gr síðast og nú skal eitt fara ef ekki eitt og hálft því þá fæ ég ísvél (já já ég veit að það hafa allir heyrt um ísvélina sem mig dreymir um daga og nætur en ég er með íssýki á háu stigi ).

Hef staðið mig vel held ég og vona:

Mánudagur:
mm. ristað brauð, klípa, ostur, sulta, safi
hm. grænmetissúpa, skyrkaka með melba og jarðarber ofan á
millibiti: epli, vanullujógúrt létt.
km: svínakjöt og nautahakk, grænt og gott með
millibiti: átti bara smá mjólk eftir = epli með vanillusósu.

Ef ég léttist ekkert eða lítið í næstu vigtun þá ætla ég að biðja einhverja snillinga á næsta fundi að fara yfir matardagbækurnar mínar og skoða hvort þetta sé ekki OK. Mér var t.d. bent á af heimilisfólki að ég borði mikið af eplum... sem er rétt. Og jarðarberjum líka en ég nenni ekki að borða súra ávexti, finnst þeir ekki góðir. Ætla að reyna að fá mér sítrónufrómas einhvern daginn, það er víst rosa gott og ég held að þetta sé í uppskrifta bók nr. 3...

Fór á kaffihús um daginn með manninum mínum og fékk mér cappuchino með undanrennu, Já það er hægt að láta þeyta undanrennu í stað g-mjólkur. Gott mál, ekki satt?

Annars vona ég það besta en býst við hverju sem er í vigtun á fimmtudag.
Þar til síðar...

Svöng, svangari, svöngust

2005-11-21T10:33:00.000+01:00

Já, ég er rosasvöng svona milli 15 og 19... Er enginn að lenda í þessu?

Allavega, hér gengur allt vel. Bara borða eftir prógramminu 100% og passa sérstaklega vel að klára skammtana.

Í gær var matseðillinn svona.

Mm: ristað brauð, sterkur gouda, klípa, sulta, safi, kaffi
Hm: Lifrarbuff og rófu- og gulrótarstappa(brauð innifalið í buffi ).
Km: kjúklingur, grískt tómatasalat
Kh: Jarðarberjaís með súkkulaðisósu
Rommbúðingur með eplum og súkkulaðisósu.
(Kláraði um 11 leytið)
Kannski er ég að skemma fyrir mér með því að klára mjólkur og ávaxtaskammtinn ekki fyrr á daginn.

En þetta gengur ágætlega. Er farin að finna fyrir jólafreistingunum meira núna. Er t.d. að hugsa: "Ætla ég virkilega að sleppa því að smakka allar gömlu og góðu smákökurnar fyrir jólin? Hvað með jólakonfektið, jólaglöggið.." og s.frv.

En það er allt í lagi að sleppa þessu núna. Ég er hvort eð er í þessu fram á Þorlák og endurmet stöðuna þá. Ég get geymt handa mér eitthvað gott þar til á aðfangadag ef mig langar þá til að fá mér.

Þetta er langhlaup ekki sprettur.

Ísvélarlaus um sinn

2005-11-17T21:49:00.000+01:00

Fór í vigtun í morgun og hafði bara kvatt 300 grömm. Þó ég hafi ekkert svindlað þá viðurkenni ég það að skammtarnir hafa minnkað hjá mér og það taldi konan á vigtinni vera ástæðuna... hmm ég fór í smá fýlu en það þýðir ekki að láta deigan síga.

Ég ætla að vera duglegri í þessari viku að klára skammtana alveg og vona það besta.

En ekki fæ ég ísvélina núna ;)

Glorsoltin

2005-11-16T00:05:00.000+01:00

Ég er búin að vera glorsoltin í dag. Hungrið byrjaði að gera vart við sig svona um tvö leytið og ég var að drepast um 6. Þá var ég búin að fá mér epli og gulrót en ekkert gerðist.
Skil ekkert í þessu?
En svo lagaðist þetta þegar ég skóflaði í mig kvöldmatnum. Bjakk, svona kúrbítur, zucchini er vont! En ég þráaðist við og kláraði allt saman.

Bakaði mér skaðræðis súkkulaði smákökur í kvöld. Þegar ég segi skaðræðis þá meina ég "EVIL". Ég er nefnilega ekki svo góð í dönsku og var að fara eftir danskri uppskrift. Svo stóð knsp hjartarsalt og ég hélt það ætti að vera matskeið en þetta er EKKI matskeið. Frekar hnífsoddur.

Þegar ég opnaði ofninn þá gaus þvílík sýra á móti mér að ég gat ekki andað og táraðist. Ég finn ennþá smá til í nefinu. Þorði ekki að smakka á þeim og henti þeim beint í ruslið og bakaði nýjar með smá lyftidufti í staðinn. Allt annað líf. :)

Vigtun ekki á morgun heldur hinn.
Þetta verður sennilega fyrsta vikan sem ég klára allt úr EXTRA en vonandi ( vonandi! ) hef ég lést nóg til að fá mér ísvél. Já ég er og verð matargat!

Rófustappa og lifrarbuff er nammi

2005-11-13T16:08:00.000+01:00

Mikið er nú frábært að það megi borða svona mikið af rófum. Þær eru góðar í svo marga hluti, franskar, stöppu og bara sjóða þær í bitum eins og kartöflur. En maður má samt ekki detta alveg í rófualgleymi heldur halda líka áfram með hitt.

Þessa dagana er ég frekar óþreyjufull. Ég hlakka svo til að komast í kjörþyngd að ég get varla hugsað um annað. Er farin að halda að ég verði alveg hrikalega uppáþrengjandi með árangurinn.
Fari að ganga um í magabolum, fái mér hring í naflann og tattoo og gangi um í latex alla daga en eyði mestum tíma fyrir framan spegilinn að dást að sjálfri mér...

Þetta verður svona eins og grái fiðringurinn nema bara tengdur kílóatapi. Ég-er-orðin-svo-gröööönn-fiðringurinn... híhí

Kaffiboð

2005-11-12T00:09:00.000+01:00

Fínn dagur í dag hjá mér. Er farin að treysta DDV betur og trúa því að ég léttist virkilega á því að vera pakksödd og útbelgd dag eftir dag. Annars gengur mér orðið ágætlega að borða grænmetið í hádeginu og kvöldin. Stundum langar mig jafnvel í meira!

En á morgun fæ ég gesti og þarf að gefa þeim eitthvað gott. Skrýtið að það eina sem mér dettur í hug er eitthvað sem ég má ekki fá mér... aðeins farin að finna fyrir freistingunum.
EN ætla að bjóða upp á eftirfarandi:

Gott kaffi ( keypti g mjólk handa þeim til að freyða, ég fæ mér fjörmjólk ;)
Brauð og hollt álegg (gúrkur, tómata og ost).
Skera niður fullt af ávöxtum í skál og blanda vel
Búa til "holla" súkkulaðisósu með sýrðum, n.k. fondue sósu.

Svo getur fólk fengið sér svona ávaxtasalat á diskinn og sett sósu út á. Og ég líka [sólskinsbros]

Ótrúlegt

2005-11-10T15:23:00.000+01:00

Missti 1.1 kíló þrátt fyrir mánaðarlegri hormónasveiflu og vökvasöfnun sem henni fylgir. Jibbý!
Þannig að ég held áfram að skófla í mig bombunum samviskusamlega kvöld eftir kvöld.

Matseðill dagsins
Mm: Ristað brauð, magur ostur og feitur, sulta og klípa, ávöxtur
Hm: Tómatsúpa, 2 egg, brauð.
Millibiti: Steikt kanil epli með sýrðum rjóma.
Km: Gisou - svaka fínn pottréttur með salati
Kvöldhressing: 2 eða 3 ávextir ( t.d. jarðarber, banani og pera ) dýft í súkkulaðiostasósu.

DDV
I'm lovin' it.

Skjálfti

2005-11-09T12:14:00.000+01:00

Nú er vigtun á morgun og ég er búin að búa mig undir að hafa ekki misst neitt. Bæði vegna tíðahrings og líka vegna þess að mér finnst ég útbólgin þessa dagana.

Mm: Brauð m/2 sneiðum magur ostur(10 gr) klípa (3 gr) og safi(125gr)
Hm: 300 gr spergilkál, 2 egg, smá ostur frá morgunmat(ups veit ekki hvort það má geyma ostinn eins og brauðið) og ristað brauð.
Km: 300 gr annað grænmeti, 140 gr humar og rjómasósa(je je) úr sýrðum rjóma, smá philadelphia og ýmsu kryddi + fiskitengingur. Fæ mér brauðsneið með þessu.

Kh: Afgangur af ávöxtum og mjólkurskammti.

Hefur það ekki áhrif á þyngdartap hvenær maður borðar ávextina?
Ég á oft 2 ávexti eftir á kvöldin og er að fá mér t.d. epli og jarðarber með meira en helmingnum af mjólkurskammtinum þannig að þetta er bomba í stórri skál!

Ég er alvöru kvöldnammigrís þannig að mér finnst ofsalega gott að geta hugsað til þess yfir daginn að eiga vel eftir af ávöxtum og mjólkurskammti um kvöldið.

Hvað eruð þið að gera? Má gera þetta svona?

Allt gott að frétta

2005-11-07T13:16:00.000+01:00

Þetta bara gengur ágætlega, dagarnir líða hver á fætur öðrum og maður borðar bara ddv alla daga. Reyndar er þetta aðeins farið að vera einhæft núna. Heyrði líka á fundi að fyrsti mánuðurinn fari í að aðlagast og svo komi fjölbreytnin eftir það. Prófaði reyndar grasker um daginn og það var nokkuð sérkennilegt. Svona eins og dauf rófa eða já, dauf rófa. Bjó mér til "franskar" og karríeplasósu og þetta var fínasta fæði.

Það er líka mikið að gera hjá mér. Er að langt fram á kvöld og hreinlega hef ekki auka orku í að plana girnilega rétti en bráðum líkur skólanum og þá verður hafist handa við að elda upp úr uppskriftabókunum.

Þar til þá reyni ég að kjamsa á spergilkáli, gulrótum og blómkáli. Einnig kaupi ég mikið frosið og skelli því beint á pönnuna.

Hr. Monk

2005-11-06T19:22:00.000+01:00

Eftir fyrstu sjö fullkomna ddv dagana þá er ballið byrjað.
Gleymdi brauðinu í hádegismatnum og hvað á ég að gera? Borða það með kvöldmatnum eða bara sleppa því ?
Og fékk mér af gömlum vana cappuccino og þar er ómæld mjólk.

Það sem mér finnst vont við að gera þessi litlu, smávægilegu mistök er að þau kalla á fleiri mistök. Ég er nefnilega gamall og reyndur svindlari og á auðvelt með að finna upp leiðir til að víkka svona mistök út og jafnvel detta í eina súkkulaðitertu.

Fyrir þá sem hafa séð hr. Monk í sjónvarpinu þá þarf ég eiginlega að herma eftir honum í ddv. Allt þarf að vera fullkomið og ég þarf að gera þetta að áráttu hjá mér. Trúarbrögðum eiginlega.
Því ef ég byrja að svindla smá þá er ég farin að moka í mig súkkulaði af stóru fati áður en ég get sagt: "Stopp!". Jamm, ég fell í trans.

Nú er líka erfiður tími framundan þar sem freistingar aðventunnar fara að herja á mann úr öllum áttum. Smákökur og kakó eru einhvern veginn jólin hjá mér. En ekki í þetta sinn! Ég fæ mér þá bara ddv kökur og ddv kakó!

Alchohol free

2005-11-05T13:20:00.000+01:00

Fór í partý, drakk ekkert, rosa stuð.
En ég fékk mér 2 ávöxtum of mikið þennan dag. Ég gat haldið mig frá snakkinu, namminu, ostunum og víninu en borðaði vínber og jarðarber í staðinn.

Þannig að gærdagurinn varð ekki 100% ddv dagur, líka út af því að ég kláraði bara helming mjólkurskammtarins.

Var eitthvað að pirra mig á þessu ( af því ég ætla að ná kílói á viku a.m.k. með hreyfingu ) en svo fór ég að hugsa að fyrir 10 dögum hefði ég sko gúffað í mig snakkinu, drukkið eins og svín og klárað allt nammið og ostana. Þannig að ég þarf bara ekkert að pirra mig. Kannski geta ekki allir DDV dagar verið 100%. Ég held bara áfram og vanda mig betur næst þegar það verður partý.

Muhahahha

2005-11-03T14:35:00.000+01:00

Ég kvaddi 2.1 kíló í síðustu viku. Ótrúlegt en satt og tölurnar sem maður var að heyra þarna, algengt var að maður heyrði 13 kíló á 10 vikum, 10 kíló á 8 vikum o.s.frv. Ég er svo aldeilis hissa!

Ég held ótrauð áfram að settu marki með því að borða:
Mm: sami
Hm:Tómatsúpa með lúðu, rist brauð.
Km:Eitthvað lostæti.

Keypti mér einmitt karamellu og piparmyntu bragðefni í dag þannig að kannski verður það brómberjabaka með karamellukremi. Hver veit.

Smá rugl

2005-11-03T00:53:00.000+01:00

Dagur 7. Kæri Jóli... Ég er komin í jólaskap og já þið megið trúa því, farin að raula jólalög( í einrúmi ). Ég er byrjuð að ákveða jólagjafir og ætla að reyna að klára allt í þessum mánuði þ.e. gjafir kort og þ.h. Gott að njóta stemningarinnar í desember.

Mm: Ristað brauð + klípa + 25 gr magur ostur + safi
Hm: 2 egg + gott grænmeti ( með lótus í ) + ristað brauð + klípa
Mb: Epli með kanil og smá skammt sýrðum
Km: 165 gr kjúlli, vel kryddaður, skammtur af grænmeti,
Kvöldhressing: ddv smákökur sem ég bara varð að prófa + 2 ávextir (frosin jarðarber) + rest af mjólkurskammti.

Svo fór ég að leggja saman mjólkurskammtinn og sá að ég hafði farið aðeins yfir hann en það gerir ekkert til.

Fer í vigtun á morgun, vonandi, vonandi, vonandi hef ég lést af öllu þessu áti þó ég hafi mínar efasemdir.

Bumban horfin

2005-11-01T23:09:00.000+01:00

Ég er öll að koma til og dagur 6 var bara fínn. Mér líður ágætlega þó ég sé búin að hafa 100% DDV dag í dag. Strýtulaga vömbin er að hjaðna og það hefur slaknað á buxnastrengnum. Var kannski bara vatnsskortur þar sem ég gleymdi/sleppti 2-3 glösum á dag.

En nú spyr ég eftir að hafa lesið ógrynni af ísuppskriftum(más): Hafið þið notað svona ísvél?
Er nefnilega búin að setja ísvél á verðlaunalistann.

Verðlaunalisti rosaskvísu(verðandi)

Fimm kíló kvödd :- Ísvél
Tíu kíló kvödd :- vantar hugmyndir
Fimmtán kíló kvödd :- fleiri hugmyndir
Kjörþyngd :- Einkaþjálfun í mánuð.
Búin að halda kjörþyngd í 3 mánuði :- Sólarlandaferð?

En svo fór ég að hugsa hvort ég væri ekki óforbetranlegt matargat að setja ísvél á verðlaunalistann? Á ég ekki bara að fá mér ísvél og setja eitthvað eins og "ný handtaska" eða eitthvað ótengt mat á listann.

En þetta er allt að koma og fínar uppskriftir til sem maður getur farið að dunda sér í þegar maður nær betri tökum á ddv.

Efasemdir

2005-11-01T10:27:00.000+01:00

Jahérna, nú hef ég fylgt DDV með u.þ.b. 100% plani í 4 daga og ekki er útlit fyrir að matarbelgurinn sé að hjaðna. Frekar að vaxa og dafna. En ég held ótrauð áfram enda búin að ákveða að vera í þessu prógrammi fram að Þorláksmessu. Þá ætla ég að sjá til hvort ég tími að sleppa þessu yfir hátíðarnar eða hvort ég held mig við prógrammið( hef heyrt að sumir fari illa út úr svona "fríum").

Ef ég verð búin að bæta á mig á fimmtudaginn þá ræði ég við þær og ég fæ kannski endurskoðað plan.
Ég var líka að hugsa um hvort þetta væri í raun ekki svolítið ónákvæmt plan því að við erum jú allar misstórar og misháar. Ég er lítil, hef verið að hreyfa mig ágætlega; Þarf ég ekki bara færri hitaeiningar?

En ég held mig við að borða mig granna þar til annað kemur í ljós þó þessar efasemdir hafi farið að láta á sér kræla.

Ég náði að klára 99% sunnudag ( mínus 2 vatnsglös )

Mánudagur.
Mm: rist. brauð + klipa + camembert + sulta, ávaxtasafi og svart kaffi.
Hm: Blómkálssúpa + fiskur + avöxtur
Km: Lamb + kartöflur(skipti)+klípa + grænmeti
Kh: 150 gr jarðarber + afgangur af mjólkurskammti(jarðarberjaís) og súkkulaði sósa.

Var búin að borða allt um kl. 10:30

Þetta er hörku vinna.

Sunnudagur

2005-10-30T21:39:00.000+01:00

Mm: ristað brauð + klípa + magur ostur + sulta og ávaxtasafi
Hm:lambasteik + kinagrænmeti,
Km:lifrarbuff, bakað grænmeti með rest af osti
Ég held ég nái þessu ekki í dag. Er of södd..... :(

Mér finnst ég vera að fitna ???

Maginn á mér er útbelgdur og ég kemst varla í buxur....

Laugardagur

2005-10-30T02:35:00.000+02:00

Mm: ristað brauð + klípa + camembert + sulta og ávaxtasafi
Hm:2 egg + blómkáls + spergilkálskássa, ristuð brauðsneið með sultu.
Km:nautasnitsel, soðnar gulrætur + blómkál.
Kvöldsnarl: Súper S kvöldglaðningur(búðingur + sýrður rjómi + 3 ávextir + súkkulaðisósa)

Ég held að þessi dagur hafi verið 100% DDV dagur.

Ái

2005-10-28T23:40:00.000+02:00

Þetta er hætt að vera fyndið.
Kvöldmatur: fiskur og steikt grænmeti (300 gr) Þetta er fjall á diski.
Tilraun til að klára dagskammtinn: átti 2 ávexti eftir og nær allan mjólkurskammtinn + fitu þannig að: Bakað epli með búðing, 154 gr. sýrður rjómi + súkkulaðisósa = kúffullur diskur

Ég get eiginlega ekki klárað þetta og nú á ég einn ávöxt eftir og eitthvað uppsafnað....
Mér er illt í maganum, ég þjáist. En þetta venst víst og er bara svona fyrstu dagana.

Ég er byrjuð!

2005-10-28T14:00:00.000+02:00

Ok. Ég fór á fundinn í gær. Þetta er heilmikið prógramm en mér líst vel á þetta af því maður á að borða svo MIKIÐ!!! Og það er bannað að leyfa. Þannig að í kvöldmatnum í gærkvöldi þá varð ég að klára síðustu 5 gafflana eins og litlu börnin. Sveinn hvatti mig áfram: "Einn bita fyrir mig og svo annan fyrir mig..."

Úff ég gæti gubbað því maður þarf að borða lágmark af grænmeti á dag + ávexti og svo framvegis. En ég ætla að reyna að klára matinn minn í dag.
Morgunmatur: 1 brauðsneið með camembert og sykurlausri sultu, ávaxtasafi og kaffisopi með.
Hádegismatur: Súpa með kjúklingi og brauðsneið.

Er ekki búin að ákveða hvað ég á að fá mér í kvöld en ég verð örugglega til miðnættis að klára allt sem ég á eftir.

Jamm, svona er að borða sig granna, hellings púl!

En ef ég held mig við prógrammið þá ætti ég að vera búin að ná kjörþyngd eftir 22 vikur. Sem er ekki svo slæmt.

Matarfjallið

2005-10-27T14:50:00.000+02:00

Ég er hrikaleg! Nú af því ég veit að ég er að fara á fund eftir hálftíma í þessum megrunarklúbb þá er ég búin að gúffa í mig hrikalegu matarfjalli og get varla staðið upp. Dæmigert.

En bráðum byrjar þetta átaksblogg og það verður nú fróðlegt að fylgjast með því skal ég segja ykkur. Þá fá allir sem vilja að vita hversu mörg kíló ég er ( eða ekki ) og svo vonandi sjá hvernig ég léttist og léttist og léttist.
En nú fæ ég bráðum að vita hvað ég á að missa mörg kíló niður í kjörþyngd... húrra.

Megrun í öðru veldi

2005-10-26T15:51:00.000+02:00

Já, nú ætla ég að drífa mig á fund hjá DDV en það virkar víst voða vel að megra sig hjá þeim.
Ég er komin með leið á því að vera of þung að eilífu.

Ég hef fengið margar misgóðar hugmyndir að því hvernig ég get losað mig við a) spikið eða b) löngunina til að verða mjó.

1. Verða veik og þar af leiðandi mjó ( hraðvirk leið en óþægileg plús vil ekki verða OF veik )

2. Verða miklu feitari og fara í magaminnkun... hmmm já...en þá má maður ekki borða súkkulaði og óhollt lengur. ALDREI

3. Láta líma saman á mér kjálkana þannig að ég geti ekki tuggið mat. Já þetta er alveg sniðugt en kannski yrði ég þreytt á að geta ekki talað almennilega.

4. Hætta bara að pæla í þessu og verða þessi feita "hressa" kona sem hristist alltaf af hlátri..

5. Horfa á fræðsluþætti um offituvandamál og "hræða" mig til hlýðni.

6. Fremja einhvern "léttan" glæp og fara í fangelsi, fátt um fínar kökur þar.

Djísus þetta er svo flókið og svo hugsa ég alltaf innst inni að það verði nú gott þegar ég verð orðin mjó: þá get ég borðað eins og SVÍN, því ég verð orðin svo grööööönnnn! (Ekki lengi samt)